Sta pagina la xe stà trascrita, ma la gà ancora da vegner rileta.
Eviva el prà! Se ti, con mi te vegni,
te conto la rosaria1 de la luna,
e po' te donarò (se te te degni)
un gobeto de quei de la fortuna,
un gobeto de quei che g'à do gobe,
che te porta un vagon de bele robe!...
E su l'erba l'è tuta una rosada,
e drento al prà l'è tuta una cantada,
e grii, fa el grio,
e grii, fa el cor...
Vegni Nineta, col nome de Dio,
gh'è ne l'erba l'amor
che ne fa strada!
- ↑ rosaria: fiaba.