Sta pagina la xe stà trascrita, ma la gà ancora da vegner rileta.
E così, a poco a poco, de sta anda,1
co i cavei bianchi un giorno se trovemo,
e le memorie che tegnem da banda,2
a poco a poco, le desmenteghemo,
fin che pieni de ràpole,3 vecioni,
col sangue ciaro come la graspìa4
e desperadi in fato de passioni,
se nasa el vento che ne porta via,
e se rusca5 nel cor.... Su par i muri
qualche mufeta ancora se rampèga....
Persa anca quela, se deventa duri...
– Paron, l'è ora de serar botega!