Sta pagina la xe stà trascrita, ma la gà ancora da vegner rileta.
EL GOBO.
I.
L'era lì fermo sul canton del gheto
che el sigava: «Cerini! Fulminanti!»
Co la testa cassada nel coleto
e la botega a pingolon davanti.
Gobo quà, gobo là, gobo, gobeto,
siga i mostri, stigadi da i birbanti,
e lu, sconto de drio de un portegheto,
el li manda a l'inferno tuti quanti!
Che quando un poro can nasse segnado,
no i lo ciama col nome de bateso,
ma gobo, sturpio, monco, mal taiado...
Invesse se l'è un sior come che va,
el pol èssar più storto de un pontèso,1
guai la madona a dir la verità!
- ↑ pontèso: palo di sostegno alla vite.