Sta pagina la xe stà trascrita, ma la gà ancora da vegner rileta.
III.
El s'à fermado su s'un quinto pian,
dove fa fredo par de i mesi intieri
e bisogna supiarse su le man,
no podendo supiar sora i pensieri;
dove i amissi no ghe fa bacan,
parchè i par morti tuti quanti ieri,
dove, quando che tira el tramontan,
cioca le carte che le scusa i veri.
Dove i colombi i beca a la finestra,
e a mesogiorno vien 'na pora dona,
a portar du cuciari de minestra;
dove anca la musica l'è seria,
parchè zo in strada l'organo che stona,
el canta la canson de la miseria!