Sta pagina la xe stà trascrita, ma la gà ancora da vegner rileta.
III.
I creditori i capita a le spale
e i te porta el bon giorno ogni matina;
e tuti i giorni l'è la stessa spina,
e tuti i giorni i è le stesse bale!
– Sior paron, ghe saria quela cambiale!?
― Ben, ch'el porta passiensa 'n'altra nina...
– Sior, son stufa da far la buratina...
Sior, son stufo de farle le so scale!
E intanto, descondon, giorno par giorno,
core la roba al monte de pietà,
la roba che no vien mai de ritorno!...
E ancò i recini, e le tovaie, e i seci
e doman l'orologio del popà
co le memorie de i to pori veci!