Sta pagina la xe stà trascrita, ma la gà ancora da vegner rileta.
II.
E i se conta in fra tuti. – In quanti sio?1
― Apena diese, che pol far strapasso;
el resto done co i putini in brasso,
el resto, veci e puteleti a drio.
Ma a star quà, no se magna no, par dio,
bisognarà pur farlo sto gran passo;
se l'inverno el ne capita col giasso,
pori nualtri, el ghe ne fa un desìo!2
– Drento l’Otobre, carghi de fagoti,
dopo aver dito mal de tuti i siori,
dopo aver fusilà3 tri quatro goti;4
co la testa sbarlota,5 imbriagada,
i se dà du struconi6 in tra de lori,
e tontonando i ciapa su la strada!