Sta pagina la xe stà trascrita, ma la gà ancora da vegner rileta.
LA CANSON A LA PRIMAVERA.
Primavera, ocieti grisi
come usertole1 sul muro,
gran busie che te me disi,
gran canaia che te sì...
Gh'è i putei che i vien çercandote,
ma ti, furba, te i confondi
e le viole te le scondi
per tegnertele par ti!
Primavera, così siora
così bianca, come feto2
a levarte su a bon'ora
co sto fresco a girondar?
– Mi, camino sora i àlsari,3
dove gh'è i osei che siga,
a insegnarghe con fadiga
la maniera de sgolar! –