Sta pagina la xe stà trascrita, ma la gà ancora da vegner rileta.
Pian pianin, che nissun senta,
vôi contarte le passione,
che da un toco me tormenta,
che me lagrima sul cor...
E in campagna, soto a i àlbari,
tra i formenti ancora in fasse,
dimandarte quella passe
che me incanta1 sto dolor.
Çercarò soto l'ombria
de le foie che se sveia,
çercarò la poesia
da indolçirme sto figà...
E scrivendose le lètare
sora ale de poeia,2
piantaremo una fameia
su do pèrteghe de prà!