Sta pagina la xe stà trascrita, ma la gà ancora da vegner rileta.
SOTO L'OMBRELA.
Piovea! – Sora l'ombrela
la piova la ciocava
e i oci mei de mi con quei de ela
par soto i se incontrava.
E mi pensava: adesso
se el maestro me vede,
corpo de un can, che 'l me ne fa un processo
che nissuni lo crede...
E quel'altra, scansando
le boteghe più ciare:
«Sior, sior» ― la me disea ― «me racomando,
che no cata me mare!»1
- ↑ mare: madre.