Sta pagina la xe stà trascrita, ma la gà ancora da vegner rileta.
X.
A 'LIO
Presto, Zanze: vienstu a 'Lido
Tolte drio — l’ombrelin,
Che sto sol co quela blusa
4Nol te brusa — quel visin.
Xelo un caldo? Ma che stua!
Se se sua! — Co calor!
Megio megio sto denaro
8Col tabaro — e 'l rafredor...
Su la Riva dei S’ciavoni,
Ghe xe Toni — to cugnà,
Che ne speta: zo, in malora,
12Che in mez’ora — semo là.
Zo, montemo in Vaporeto,
Che un bagneto — vogio far...
Ciò... çercava... el portafogio...
16Cossa gogio — da comprar?