Sta pagina la xe stà trascrita, ma la gà ancora da vegner rileta.
XXX.
A LA DIRETISSIMA
(Negativo)
― «Nome e cognome» ― «Piero Vaticata.»
― «Fio?» ― «De paron Zuane, peater.»
― «E in dove steu» ― «Domiçilià in peata
D'istà, e d'inverno dormo in-t'elfogher.»
― «Dunque, vu za savè che quà se trata
De la Signora de quel forestier...»
― «El ghe diga, signor, che la xe mata,
Che mi no gò mai fato quel mestier.»
― «Ela la dise...» ― «Ma...» ― «...Lassè che diga:
Che, mentre la vardava 'na Madona,
Vu ghe palpavi in...» ― «No xe vero miga!»
― «Ma intanto el tacuin gà ciapà el svolo
Co çento franchi drento...» ― «Busierona!
Ma se ghe gera mezo franco solo!...»