Sta pagina la xe stà trascrita, ma la gà ancora da vegner rileta.
Salotto in stile settecento. Un canapè, qualche poltrona. Uno specchio.
NINA
Dunque, cussì el v'à dito...
ANZOLETA
- Po el m'à dà do ducati
Disendome: recórdete de taser...
NINA
- E vu, infati,
L'avé obedio.
ANZOLETA
- Credeva...
NINA
- No abiè paura, no.
Xe tuta mia la colpa che ve go fato zo.
5Vu, da zovene onesta, dovevi dirme tuto.
Farse comprar? dasseno, sarave sta assae bruto.
Se tira i bezzi, posto che i ve li vol donar,
E po se parla istesso...
ANZOLETA
- Parona mia, ghe par...?