Sta pagina la xe stà trascrita, ma la gà ancora da vegner rileta.
Una volta se vedevimo
O a la Nave, opur da Toni,
Al passegio su le Zatare,
16Su la riva dei Schiaoni;
Se trovevimo spessissimo
Al Casin in Frezzaria,
E ogni volta per pramatica
20Se faceva la partia;
Ma xè un pezzo, ghe lo replico,
De sto ben che la ne priva,
Che la fa che no se sapia
24Se l'è morta, o se l'è viva.
Tuti tagia, la se imagina,
I tabari zo de Ela;
Se domanda da ogni Socio:
28Cossa fala, indove xela?