Sta pagina la xe stà trascrita, ma la gà ancora da vegner rileta.
Superba frenetica
Per l'alta conquista
Brusarme co l'ochio
Dal palco l'ò vista.
Ma per ben distinguerla
De bile ingalà
El vero da miope
Gò adosso piantà.
Dir quasi volendoghe
Gò pronto in cantier
Invece de satire
Un cazzo spezier.
A ti cazzo intrepido
Onor del paese
Punissi, rivendica
El torto palese.
Ghe vol per sto scandalo
Un cazzo da gala,
Un cazzo indomabile,
Un cazzo da stala.
Via metite in gringola
Che mona più bela
Da renderse celebre
No gà la capela.
Se gh'è chi no modera
Sto abuso nefando
El cazzo prestissimo
Ne resta de bando.
E alora de Sodoma
I oron' và in voga,
E in cul del so prossimo
Ogn'omo se sfoga.