Voi dir che nei Mercurj e nei giornali
Gavè la malatia propria dei picoli
De slongarghe al letor i genitali
Incastrandoghe drento i vostri articoli, 12
E facendo l'anonimo in secreto
De squaquerar ve piase a questo e a quelo
Che l'autor xè el famoso Ipofileto
Rico d'inzegno e scarso assae de oselo.
Sgrizzi improvvisator da vù se ataca 13
A dispeto del voto universal,
Italia tuta no decide un aca
Ipofilo de Monti assai più val.
Monti (quel visdecazzo) sbalordio
Per lodarlo no ga parole in boca,
Ma Larisco a Verona l'à sentio
E a paragon de lù Monti xè un coca.
Per ben caverghe el sazo e pronunziar
Sentenza inapelabile el s'à visto 14
Armà de pena, carta, e calamar
Far quela sera d'un proscenio acquisto.
L'à scrito tuto, e l'à notà a pontin
E scene e personagi e filatura;
Sgrizzi xè un impostor un berechin,
El fala fin dei versi la misura.
Ipofilo decide, quel famoso
Autor del e vi era Padovan 15
Nato e morto in t'un dì dove invidioso
Un'omo de gran garbo el tol per man.
Un uomo che è lassà libero sfogo
A sta spezie de peto leterario
Disendo, se a pelar gati me togo
Da sto buzaro a mì no gh'è divario.
Pagina:Poesie e satire di Pietro Buratti veneziano.pdf/137
Sta pagina la xe stà trascrita, ma la gà ancora da vegner rileta.