Che onor tropo el ghe faria
De chiamarlo fio de Apolo
Dopo averghe portà via
Un bambuch sora el molo. 7
Massa bona che in quel zorno,
Sior Lasagna Veronese,
Testimonii gera intorno
I più ludri del Paese,
Che a la gloria de quel'ato
Novo in corte e peregrin
À dà un zigo mezzo mato
Fin sior Marco Presentin. 8
Che no ghè bisogno un cazzo
Del mio nome per sostegno
Che un poeta visdecazzo
Meta in opera l'inzegno,
Ma qualunque sia de fondo
Vù dovevi sul momento
A mì prima, e dopo al mondo
El poetico escremento,
Vogio dir in rima bafica
Quela spezie de monada
Che col nome d'Ode Safica
Gera mal preconizada,
Che nel tempo che de bando
Ve menevi quà l'oselo
I cogioni incantonando
Ghe lezevi a questo e a quelo
Pretendendo che dovesse
Far gran colpo l'impostura
De do strofe lesse lesse
Butae zò senza natura.
Pagina:Poesie e satire di Pietro Buratti veneziano.pdf/177
Sta pagina la xe stà trascrita, ma la gà ancora da vegner rileta.