No credessi che per questo,
El mio caro Canestrari
Mi volesse, roto el cesto,
Darve un posto fra i somari.
Son Poeta, e tanto basta 9
Vù de Crusca, mì de mona,
Semo tuti de una pasta
D'una razza buzzerona,
Ma se mì son ben disposto
A favor de chi à mancà
Per l'infamia de sto rosto
Ziga el turio la Cità.
E gh'è in corte un tal fermento
Che dì e note caregoni
Per cazzarvelo ben drento
Col Gran Duca fà i Busoni. 10
Del processo i materiali
I xè tanti ch'el gran duca
Per colpir nei più essenziali
Perderia presto la zuca,
Se compagno de taolin
No ghe dasse un fià de man
Secretario e facendin
Quel so Codega furlan. 11
Lo savè che maldicenza
Regna, amigo, in sta laguna!
Ghe xè quà la quinta essenza
Guai se cambia la fortuna!
Da tre bande se ve ataca,
Scrive el Codega dei tomi
E col nome de Panaca 12
Se me buta a tera Momi 13
Pagina:Poesie e satire di Pietro Buratti veneziano.pdf/178
Sta pagina la xe stà trascrita, ma la gà ancora da vegner rileta.