Guai per ti se ti somegi
A quel conte poliglota,
Bijron xè persona dota
Ma nol leze a l'omo in cuor.
El morbin del conte Rizzo
L'è un morbin averto assae,
L'è un morbin che in ste palae
Gà ai tragheti el Barcariol.
Fio del campo se xè vero
Che portava un zorno a nolo
Do gran secchi col bigolo
Un so nono Patarol. 2
Gera medico so pare
Asenon de quei de magio,
Che logando i bezzi in tagio 3
Omo rico l'è crepà.
E per ben del Paliglota
Xè spario dal mondo afato
Un fradelo mezzo mato
Che so pare gà lassà.
Dise qualche mala lengua
Che per torselo dal cesto
El mio conte à fato el resto
Col so solito morbin.
E che a forza de spaurachi
O l'è morto, o se l'è in vita
Automatico eremita
Nol ghe costa un bagatin 4
Co sti mezzi el conte despota
Xè restà del so tesoro
Per coreger col decoro
La plebea derivazion.
Pagina:Poesie e satire di Pietro Buratti veneziano.pdf/188
Sta pagina la xe stà trascrita, ma la gà ancora da vegner rileta.