Se da tuti a deo mostrà
Xè in quei loghi l'Italian
Cossa mai, cossa sarà
(Disè ben) del Venezian.
Che la fama dei poltroni
Xè una fama eternizzada
Da quel dì che i Peruconi
A dà zò la culatada.
E sta machia da la fronte
Gà da torse a tuto costo
Chi tra i bravi d'oltremonte
Vol missiar fumo co rosto.
Colpo donca de politica
Degno d'omo soprafin
Lassè pur ch'el mondo critica
Xè sta el dir son Dalmatin. 2
E zà che per via d'oselo
Negar mai podevi a nù
Che in sti Grebani putelo
Se v'à visto a venir sù.
Sublimar per via de mona
Vogio dir de vostra mare
La semenza pantalona
Disonor de vostro pare. 3
Che se apena per lustrissimo
Vù passevi in ste palae
Piazza mio vù fe benissimo
(Za che core ste monae)
De aspetar da Schiavonia
Documenti irefragabili
Che ve fazza garanzia 4
De Inghiltera fra i notabili.
Pagina:Poesie e satire di Pietro Buratti veneziano.pdf/199
Sta pagina la xe stà trascrita, ma la gà ancora da vegner rileta.