El pozzo de mezo?
Oh caro! un budin
Coverto pulito
De zucaro fin.
Mi solo a pensarghe,
Bisogna che ingiota;
Parona, la tasto?
Oh cagna, la scota!
La scota e l’è giazzo,
Vardè che barona!
L'è proprio compagna
Del cuor de la dona.
Oh Dio! ma che sgrissoli,
Devento un sorbeto;
Parona, coremo,
Fichemose in leto.
Coremo, parona;
La varda, oramai
In scufia da note
S'è messo i ferai.
Oh Dio che delizia!
Sentir sto supieto
E intanto voltarse,
Niciarse al caldeto.
Che gusti, che godi!
Go caldo e xe giazzo,
Go el cuor che me sbisega,
So tuto un tremazzo,
Pagina:Selvatico - Commedie e Poesie Veneziane, Milano, Treves, 1910.pdf/302
![](http://upload.wikimedia.org/wikipedia/commons/thumb/0/06/Selvatico_-_Commedie_e_Poesie_Veneziane%2C_Milano%2C_Treves%2C_1910.pdf/page302-735px-Selvatico_-_Commedie_e_Poesie_Veneziane%2C_Milano%2C_Treves%2C_1910.pdf.jpg)