Fabricada in quatro piani,
E co drento quatro Proti,
Perchè 'l staiapa vovi duri,
16E qualcossa de basoti.
38.
Al Mestro mio de lengue
Ghe lasso do Montagne,
Che xe una sora l'altra,
4Ma tute do compagne.
Dove ghe xe un prodoto
De Granzi e de Granseole,
Co una Risera in mezzo
8Che nasce de le Ceole.
L'è un bel Poder, magnifico,
Per questo ghe lo lasso,
Col pato reditandolo,
12Ch'el vaga trarse a basso.
39.
La Risera che in Turchia
Dà Papuzze e Scalfaroti,
Ghe la lasso a chi che sona,
4E chi vende pomi coti,
Co una Vale che butando
Le Candele là de seo,
Le deventa Cape longhe,
8Che vol dir Cape da deo.
