A Cupido, perchè el vegna a Belun

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
A Cupido
perchè el vegna a Belun
Anacreontica
XIX secolo
Edission e fonte ▼ ARIVO DE CUPIDO A BELUN  →

[p. 443 modifica]

A CUPIDO


PERCHÈ EL VEGNA A BELUN.

ANACREONTICA.


Dà fogo a la regia,
     Che in Gnido ti ga,
     Amor, e po scampa,
     4E piantite qua.
Adesso i corsari
     Infesta quel mar:
     Ti istesso i to popoli
     8Ti stenti a salvar.
Ecidio, discordia,
     Ga sparso el velen:
     Ti à perso la pase,
     12No ti ga più ben.
Vien qua, no fermarte,
     Mi temo de ti;
     Poi far i ribeli
     16Più tristi i to dì.
Qua in mezzo sta vale
     Sicuro ti xe;

     Sta zente xe pronta
     20A farte so re.
Un fiume i tributi
     Ai pie portarà
     Dei monti, che mure
     24Al regno sarà.
Le amene delizie
     No ga qua confin:
     Sta vale te 'l zuro
     28L'è un vero giardin.
Qua el campo, qua el bosco,
     Qua el pogio, qua el pra,
     Qua el fonte, el torente,
     32Qua tuto ti ga.
Ma chi de la vale
     Po forma l'onor,
     L'è un popolo colto,
     36Gentil, e de cuor.
E mile, e più ninfe,
     Invidia del ciel,
     Che in viso le rose,
     40Sui lavri ga el miel:
De ninfe, che a Palade
     No cede, e a Giunon
     E forsi anca a Venere...
     44Ma zito! perdon!...

[p. 444 modifica]

So ben chi te sia
     La dea del piacer:
     No fazzo confronti,
     48Che possa doler.
Amor, gastu inteso?
     Ascoltime mi;
     Vien qua, e più contenti
     52Ti condurà i dì.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=A_Cupido,_perchè_el_vegna_a_Belun&oldid=49053"