EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
XXIII. A Paulo Fambri
1892

 Edission original:   

Attilio SarfattiLe Rime Veneziane e Il Minuetto, Milano, Fratelli Treves Editori, 1892

 Fonte:

Indice:Le Rime Veneziane e Il Minuetto.djvu

←  XXII. Un matrimonio feliçe Edission e fonte ▼ XXIV. Pensieri tristi  →
[p. 103 modifica]
XXIII.


A PAULO FAMBRI


Fambri, le nostre carte
Val più de ogni dotrina,
Val megio assae de l'arte
4Una partìà a conçina.

Lassa che soto el dente
Dei sorzi, in librarìa,
L'autor più sapïente
8Perda la so albagìa.

Lassa i povari morti
Star co i ragni in quïete,
Gnente no dà i conforti
12De una partìa a tressete.

Cossa mai giova a l'omo
I nobili suori?
Studiar tomo per tomo
16Un popolo de autori?

[p. 104 modifica]


Strussiar la vita come
Bestia da tiro, farse
Co' gran fadighe un nome,
20Magari immortalarse?

Sempre nemiçì sconti,
O a visïera alzada,
Lo aspeta al varco pronti
24A sbararghe la strada.

Un mondo de tormenti
Xe de la gloria el fruto.
Cani che mostra i denti
28Ghe sbragia drìo per tuto.

Megio scordar el vecio
Mondo pien de amarezze,
E a briscola o a cotecio
32Çercar nove alegrezze.

Le nostre bele carte
Val più d'ogni dotrina,
Fambri, val più de l'arte
36Una partìa a conçina.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=A_Paulo_Fambri&oldid=41210"