A quel, ch'i dise, el zorno del Giudizio
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Frà le tante gran buzare, ch'i conta | Edission e fonte ▼ | Dopo 'l dì del Giudizio co anderemo → |
A quel, ch'i dise, el zorno del Giudizio
Sarà un zorno de colera, e vendeta,
Se vederà un'orribile Cometa,
4Che della fin del Mondo sarà indizio.
El Sol perderà 'l lume, e l'esercizio,
La Luna insanguenada, e l'aria infeta,
El fuogo, e l'acqua, come una saeta,
8Farà andar tutto quanto in precipizio.
D'una gran tromba al suon de sotto tera
Salterà suso in vita Omeni, e Done,
11E tutti quanti nui, come, ch'i giera.
Mi intanto passerò dell'ore bone
Per quanto, ch'i elementi sarà in guera,
14Che vederò tanti gran Culi, e Mone.