Basemose!...
|
Edission original: |
Augusto Levi, Versi in dialetto triestino, Trieste, Caprin, 1915 |
|
Fonte: |
| ← El castel de la colonia americana | Edission e fonte ▼ | Doman xe za quaresima → |
Rosina mia basemose,
No sta impirar el muso,
Basemose, basemose,
Che baso no fa buso,
Ma l’espression più pura
Xe el baso de l’amor,
Per ti sol sta sicura,
Mula, me bati el cor.
(Suono di baci) Um! Um! senti che musica,
Che gusto xe basarse,
No stemo dai lassarse,
Go el cor che xe un vulcan,
Um! Um! O che delizia!
Basemose drioman.
Se basa in ciel i angeli,
E in tera i bei fioleti,
Co i fa ci-ciu sul albero,
Se basa i useleti,
Amor xe un solo canto,
Tuti se vol basar;
El baso suga el pianto,
El cor fa consolar!
Um! Um! ecc.
Rosina mia basemose,
Ma dopo una gran zena,
Risoto, dindio, bibita,
Che sia la panza piena,
A far l'amor mi godo,
Ma xe pur bel magnar,
Rosina, saco svodo
In piè no pol mai star.
Um! Um! ecc.