Canzonetta per la Nina Viganò

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Canzonetta per la Nina Viganò1
nell'atto di accompagnarle a Bologna la canzoncina per musica sulla barchetta
XIX secolo

 Edission original:   

Collezione delle migliori opere scritte in dialetto veneziano, Volume ottavo: Poesie di Pietro Buratti, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817

 Fonte:

Indice:Collezione delle migliori opere scritte in dialetto veneziano 8.djvu

Edission e fonte ▼
[p. 31 modifica]
CANZONETTA


PER LA NINA VIGANÒ

NELL'ATTO DI ACCOMPAGNARLE A BOLOGNA

LA CANZONCINA PER MUSICA
SULLA BARCHETTA


Sta mia Canzoneta,
     Che in copia ve mando,
     L'ò fata, Nineta.
     4L'ò fata per vu.
Vu se' quela Nina
     Che pol col so inzegno
     D'un omo de legno
     8Svegiar la virtù.
Metèghe pur drento
     Quei bei cocolezzi,
     Quei cari strambezzi
     12Che Amor v'à insegnà.
Piatanze da cogo
     Ghe vol, cara Nina,
     Per chi ga in rovina
     16Ridoto el palà!

[p. 32 modifica]

Da brava imparèla;
     E presto in Laguna
     Al chiaro de Luna
     20Vegnìla a cantar.
Dal dì che l'ò fata
     Nè Cate, nè Beta
     Xe stade in barcheta
     24I freschi a chiapar.
El nome de Nina
     Ga fin la mia gondola;
     Nessuna me dondola
     28Se vu no tornè.
E Toni, quel gonzo
     Che sa la mia pena,
     El remo no mena
     32Se Nina no gh'è.



Note
  1. Fiola del famoso coreografo e conposidor Salvatore Viganò (Nota de Wikisource)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Canzonetta_per_la_Nina_Viganò&oldid=49066"