Caso occorso ad uno spagnuolo coll'amica
|
Edission original: |
Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
| Edission e fonte ▼ |
L'è ben, a dir el vero, un bruto caso!
Dar a una zentildona un pizzegon!
Ma gnanc'ela no ga tropo del bon
4A petar po d'un zocolo sul naso!
Pur se l'ofeso xe 'l Spagnuol, mi taso,
E l'ò per cortesissima azion,
Perchè quela galante Nazion
8Stimarà sto favor magior d'un baso.
Done, fe' pur de sti bei colpi spesso;
No digo de lassarve pizzegar,
11Ma favorì quei che ve vien d'apresso;
Pur distinguè, perchè no xe da dar
A tuti quei che serve un premio istesso,
14E l'importanza sta ne l'aplicar.
Un ve torà a secar,
Sempre tanto sfazzà quanto merloto;
17A lu ghe sta ben un ichese o un sberloto.
Un altro tropo doto
Farà l'amor, ma ziogherà lontan,
20Questo è pagà con un baso de man;
Ma un savio cortesan,
Che salva 'l so apetito e 'l vostro onor
23L'assassinè se no ghe donè el cuor.
Mi tuto ò per favor;
Feme ben, ve ringrazio, e mal, ve scuso
26Ma no me de' dei zocoli in tel muso.