Depenzime, Pittor, un bel ragazzo
Depenzime, Pittor, un bel ragazzo
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Un'altra bella Donna mi vorrave | Edission e fonte ▼ | El mio caro Pittor, no son contento → |
AL MEDESIMO.
SONETTO
Depenzime, Pittor, un bel ragazzo,
Ma nuo, come l'hà fatto la Natura,
Coi so cavei in bella rizzadura,
4E senza gnanca un pelo sul mustazzo;
Che alla so gamba corrisponda 'l brazzo,
E tutto a proporzion della statura,
Ma sappi, che la mia mazor premura
8La xe, che ti ghe fazzi un gran bel Cazzo.
Perchè vorrìa, co'l mostro a qualche Dona,
Vedendo quel negozio cussì bello,
11Che ghe tirasse subito la Mona;
E, no podendo aver gusto con ello,
La volesse da brava buzarona,
14Che mi ghe la menasse col mio Osello.