El bouquet o sia mazzeto

by Nicolò Priuli

3 El bouquet o sia mazzeto
presentà ai nobili coniugi conti Giovio de Milano el zorno avanti la so partenza
da Venezia nel mese de zugno 1817 Nicolò Priuli 1817 XIX Poesie Indice:Raccolta di poesie in dialetto veneziano 1845.djvu Altra edizion: Il bouquet (1817)

. Varda anca Ai Coniugi Giovio de Pietro Buratti

Nicolò Priuli

El bouquet o sia mazzeto
presentà ai nobili coniugi conti Giovio de Milano el zorno avanti la so partenza
da Venezia nel mese de zugno 1817

1817

Edission original:	Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845
Fonte:	Indice:Raccolta di poesie in dialetto veneziano 1845.djvu

Edission e fonte ▼

Altra edizion: Il bouquet (1817) . Varda anca Ai Coniugi Giovio de Pietro Buratti

EL BOUQUET O SIA MAZZETO

PRESENTÀ AI NOBILI CONIUGI CONTI GIOVIO DE MILAN NEL ZORNO AVANTI DE LA SO PARTENZA DA VENEZIA NEL MESE DE ZUGNO 1817.

Za che avè fissà de andar,
     E volè doman lassar
     De Venezia le contrae
     (Che pur tanto ve ze stae
     5De conforto e de alegria
     Ne la vostra ipocondria)¹
     Voi lassarve almanco un pegno,
     De vu altri e de nu degno,
     E per darve cosa rara
     10De Venezia, tanto avara
     A produr erbete e fiori,
     Voi donarve pien de odori,
     Perchè in mente ne gabiè,
     Un simbolico bouquet.
15Quel Casteli che mai straco,²
     Altro Pindaro, altro Flaco,
     Pien de lena, senza stento,
     Tanto el core in un mumento
     Che 'l va squasi in brazzo al sol,
     20Sarà un aureo girasol.
     El beligero Mengaldo³
     Fato duro, fato saldo,
     Ai furori de Gradivo
     Ve presenta un semprevivo.
     25El bel dir de l'avocato⁴
     Puro sempre e delicato,

     In un giglio trovarè
     Messo in mezzo del bouquet
Quel Ancilo farmacista⁵
     30No sia messo tanto in vista.
     Malinconico mistier
     Sora ogni altro ze el spizier;
     Ma sicome co bravura
     L'erbe el studia e la natura,
     35Per dar farmaco a ogni mal,
     El sia un fior medicinal.
E quel nostro Nicoleto⁶
     Che ne dà tanto dileto
     Quando el canto a l'improviso
     40L'acompagna fin col viso,
     Pien de inzegno, pien de sal,
     Col palor sentimental,
     Che 'l ve par apena vivo,
     Lo gavè nel sensitivo.
45La fraganza più odorosa
     Spande a l'aria bela rosa;
     Abiè ochio nel tocarla,
     Contenteve de vardarla.
     No s'a visto mai zardin
     50A dar rosa senza spin.
     Compatisci, son sincero,
     Ma sta rosa ti è ti Piero:⁷

E l'amabile dotor,⁸
     Che del tragico dolor
     Tanto aprezza el mesto canto,
     55Lo gavè ne l'amaranto
Un poeton de prima sfera,⁹
     Che ze nato in altra tera,
     Che pol star ardito a fronte
     Fin dei Mazza e Pindemonte,
     60Sarà un fior, ma dei più rari.

     A le bele tanto cari,
     Se spogiarse el podarà
     De la solita umiltà.
     Bombardini onor del Brenta,
     65Un'ortensia ve presenta.
Ma sti fìori adesso colti
     Mal starave cussì sciolti,
     Donca el mazzo ligarò,
     E cordela mi sarò.

---

Note de l'editor

1. Qui si allude alla perdita fatta dai conjugi Giovio di un figlio unico, onde cercarono una distrazione nel soggiorno di Venezia.
2. Spiridion Castelli.
3. Il cav. Angelo Mengaldo fu dei pochissimi italiani, che ritornarono dalla famosa campagna di Mosca.
4. Jacopo Mantovani, seguace di Astrea e delle muse.
5. Giuseppe Ancillo, farmacista chimico, e buon poeta vernacolo.
6. Nicolò Streffi gentile poeta bernesco.
7. Pietro Buratti, scrittore di poesie classiche nel dialetto veneziano, nella maggior parte però delle quali la licenza va unita alla satira.
8. N. U. Vittore Benzon.
9. Giuseppe Bombardini di Bassano.