El castel de la colonia americana

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
El castel de la colonia americana
1915

 Edission original:   

Augusto LeviVersi in dialetto triestino, Trieste, Caprin, 1915

 Fonte:

Indice:Levi - Versi in dialetto triestino.djvu

←  Barcarola Edission e fonte ▼ Basemose!...  →

[p. 54 modifica]


El castel de la colonia americana


     Nela zelebre contrada
Xe inalzado un gran castel.
Co passè per via Crosada
Feghe tanto de capel.
Pur là dentro no se scana,
No 'l xe un feudo medioeval
La colonia americana
Scola là più d’un feral,
E co vien l'ora brusada
I ghe peta la cantada.

          Semos Americanos,
          Venidos de la gran ciudad,
          Por exaltar la gloria
          Del celebre Colombe.

     Xe el castel e la bandiera,
E un bel toco de canon,
Ma no miga par far guera
Che el canon xe de carton,
E le bale i americani
No i le vol nanca de vin,
E per questo forti, sani

[p. 55 modifica]

Sempre pieni de morbin,
Quando vien l’ora brusada
I ghe peta la cantada.

          Somos americanos, ecc.

     Ma no i vien del mondo novo
Tuti quanti i xe europei,
E nel classico ritrovo,
Più che amizi i xe fradei,
Se el canon no ghe bombarda
E el castel no fa teror,
Pur un santo e l’Alabarda
I ga sempre in mezo al cor,
E co vien l'ora brusada
I ghe peta la cantada.

          Somos americanos, ecc.









Musica del maestro Tergestino
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_castel_de_la_colonia_americana&oldid=69356"