El desiderio de l'amigo

by Attilio Sarfatti

3 XVIII. El desiderio de l'amigo
(a P.G. Molmenti) Rime veneziane Libro Secondo XVII. Al pitor Anzolo Dall'Oca Bianca XIX. A una morta Attilio Sarfatti 1892 XIX

poesie

Attilio Sarfatti ―  Rime veneziane  ―  Libro Secondo

XVIII. El desiderio de l'amigo
(a P.G. Molmenti)

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

←  XVII. Al pitor Anzolo Dall'Oca Bianca

Edission e fonte ▼

XIX. A una morta  →

XVIII.

EL DESIDERIO DE L'AMIGO

(A P. G. MOLMENTI)

Una caseta persa tra i fiori,
Che de profumi la inondarà,
E viver quieto, senza dolori,
4Senza i fastidi dela çità.

Co 'l sol che leva montar in sela,
6Dormir co spunta la prima stela.

Piantar la vigna, farte un zardin,
8Viver la vita de 'l contadin.

De onori e gloria, Pompeo, far senza,
10Là su le rive de 'l to Livenza.

Come un bel sogno, che te consola,
Come un bel zorno de primavera,
Passar el tempo che presto svola,
14Lesto a l'aurora, straco la sera.

Goder tra i fiori la dolçe arieta,
16Goder la pase de la caseta,

Trovarla bela come una regia,
18Co' la to scarsa cara famegia,

Sentirte libero, sentirte forte,
20E sognar sempre fin ala morte!