EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

 Edission original:   

Jacopo Vincenzo FoscariniPer le nozze Medin-Maniago, Versi in dialetto veneziano, Venezia, dalla tipografia di G.B. Merlo, 1839

 Fonte:

Indice:Per le nozze Medin-Maniago.djvu

←  El passegio Edission e fonte ▼ La straleca  →
[p. 16 modifica]
EL GARANGHELO


Ohe! fa tardi, Nina, andemo
     Che a la riva ghè el batelo,
     Nu saressimo a Castelo,
     E qualcossa anca più in là.

Se ti avessi fato presto
     A vestirte, a petenarte
     Senza usar de tuta l'arte
     Che la moda t'à insegnà.

Per andar a spasso a Lio
     No ghe vol tanti chinchiezzi,
     La belezza no val bezzi
     Co licada la ve par.

No far come ste signore
     Che se tenze carne e pelo,
     La belezza da batelo
     No xe solita a inganar.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_garanghelo&oldid=55559"