Franceschina de perle, e de veluo
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← L'altro dì un zaffo laro, mariol | Edission e fonte ▼ | Nicolosa fia dolce ti ha pur torto → |
.jpg)
De safili, ballasi, e diamanti,
De porfido allabastro, e serpentinm
D'oro, d'arzento, rubini, e turchese,
5De scarlato, d'avolio, e d'ancipresso
Più bella cha un varuol, e un sturion
Bianca co xe la menola, e l'anguela,
Galante come l'alboro, e la horada,
Che luse co fa un suro, scombro, e chiepa,
10Neta co e la molecha, e la granceola,
La Pantalena, la capa, el granciporo;
Ti ha quei to occhi allegri d'anguxigola,
E negri co è la schena d'una passera,
Co i denti, che par proprio caparozzoli,
15Rossa co xe'l barbon, e la scarpena,
Molesina a mo el go, sardon, e anguila,
Gustosa come el ton, inchio, e sarache,
La truta, el carpion, e le scoranze,
Grassa, che ti somegi, un sparo, e un rombo,
20Pisaorio cha luzzo, tenca, e cievalo,
Lizadra co xe i gamberi, e marsioni,
Pulia come le sepe, e cape longhe,
Musuli, cape sante, e anche l'ostrega,
Sapi sior cara, ai sagramento mio,
25Che te voi tanto ben za boni zorni,
Chel dì, e la notte, ti me sta in la mente,
Fame pur di despetti, e di straccoli,
Che in fina che haverò fiao in corpo
Te adorerò per una santa in cielo,
30Ni buto mai le ree, che del continuo.
No m'arecorda de la to bellezza,
Digando al nome de culiè, che amo,
Piu che m'instesso, dolce mio reposso;
E quando vedo el pesce che ho piao,
35I von asomeiando alle to gratie;
Digando almanco fustu qua fia mia,
Che te farave un don de la mitae,
Si pescho à togna qualche bel baicholo,
Me par veder, quando'l mena la coa,
40Co ti è vestia da festa la Domenega,
E tal volta che von a saltarelo,
Che i tregani me urta infra le gambe;
Crio a digando, fosse qua Francescha,
Che me fa sospirar per so diletto,
45Che l'haverave almanco sto bel spasso;
Cosi co semo in vale, e a ostregar;
Sempre me ston pensando del to viso,
E a le to maniere sì uliose,
E puo le vagho tutte ponderando;
50E quanti pessi, che vedo co i occhi,
C'habia del bon, e digo infra de mi,
Careti chi somegia la mia donna,
Co i pio, co i cuoso e co i vogio manzar,
Te chiamo, e d'essi te fon un presente;
55De sorte, che da tutte quante le hore
Ti me se drento el cuor e infra le viscere;
Amame mo anche ti si Dio te aida,
E sil te par, chel sia zusto, e honesto;
Azo chel mondo no te chiama ingrata.