Frati, mo la sarave buzarona
Frati, mo la sarave buzarona
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Frati, e Puttane, che disgrazia è questa? | Edission e fonte ▼ | El xe tempo per Dìo, buzaradona → |
SIMILE.
SONETTO
Frati, mo la sarave buzarona,
E no vorrìa, che 'l Mondo la savesse,
Ch'ancuò la morte no ve rincrescesse
4De tanto benemerita persona.
La Neni è morta, quella sfondradona
Prencipessa de tutte le Fratesse,
Diseghe, poveretta, delle Messe,
8Che la ve l'hà pagae con tanta Mona.
Sotto bandiera bianca, e berettina,
Vù altri, che tegnì sempre arrolada
11Ogni porca, ogni scroa, ogni sgualdrina,
Da tutti i Cazzi vostri immortalada,
Che ve mora l'Amazone regina,
14Questa xe 'na desdita buzarada!