Ghe semo...
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← I tri aprilanti del 1915 | Edission e fonte ▼ | El manifesto → |
GHE SEMO....
(24 Maggio 1915)
Eco l'Italia che, quel'osso duro,
A rompar, se la pol, la se prepara:
Tuti so fioi, par far de più, i và a gara
E avanti sempre... che ghe sia 'nca ’l muro!
Recia a penel!...1 Par aria gh'è un sussuro,
Come de mile s-ciopi quando i sbara;
Là da lontan se sente 'na fanfara,
Missiada su col rulo del tamburo!
In volta gh’è la gente che discore,
Rusa par aria l’aroplano in giro
E fis-cia sento machine che core!...
Qualche mama la tira un gran sospiro,
Qualche fiola la fa 'na lagrimeta...
Ma gh’è Trento e Trieste che ne ’speta!...
- Note
- ↑ Recia a penel!... ― attenti bene.