Gnente paura

by Attilio Turco

3 Gnente paura Sonetti Veronesi Sonetti Veronesi/Parte V - Trento e Trieste La ciàcola La pace Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte V - Trento e Trieste

Gnente paura

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  La ciàcola

Edission e fonte ▼

La pace  →

GNENTE PAURA!

Ci è-i quei che trema? Quei che g’a paura?
     Quei che i spampàna¹ in volta i malumori?
     Quei che no’ crede che la sia sicura
     ’Sta bela Italia, co’ i so’ tricolori?

Fin che s-ciopi e canoni in man ghe dura,
     I fradei che ne fa da difensori,
     I-è sicuri de far bela figura...
     Metive chieti,² che i ghe pensa lori!...

Ve ricordeo, su l'altipian de Asiago:
     I croati i volea magnar Vicensa,
     E invesse, lo savì, ch’i-à fato bago!³

E, pori cani, j-è restadi... sensa!
     Se adesso gh’è i tedeschi al nostro fronte,
     Che i se prepara... co le spale pronte!

---

Note

1. spampàna ― propaga;
2. chieti ― tranquilli;
3. bago ― fiasco.