EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
I tedeschi e la pace
1924

 Edission original:   

Attilio TurcoSonetti Veronesi, Verona, Tipografia Operaia, 1924

 Fonte:

Indice:Attilio Turco - Sonetti Veronesi.djvu

←  El nostro Re Edission e fonte ▼ Sul Carso  →
[p. 136 modifica]
I TEDESCHI E LA PACE


Volìo la pace? Ah, si, bela fadiga!
     Ve n’acorsìo1 che ’l vostro Guglielmon
     El sercava de trarve al rebalton?...
     Ocor che qualche-duno ve lo diga?...

Anca l’Austria, la vostra bona amiga,
     L’è drio che la se brusca2 ’na lession...
     La ghe le dà l’Italia, col canon
     E con Cadorna, che no ’l schersa miga!

Volìo la pace?... Mi ve la faria;
     Tuto a 'sto mondo deve averghe fine...
     O tedeschi dal ciodo, ma voria,

Che prima ghe tornasse le manine,
     Che voialtri g’avì tajado via,
     Ai fioi del Belgio... pore creaturine!...



Note
  1. ve n’acorsio ― ve ne accorgete;
  2. brusca ― prende.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=I_tedeschi_e_la_pace&oldid=71782"