L'onorato mestier del barcariol

EPUB   MOBI   PDF   RTF   TXT
Qualità del testo: sto testo el xe stà trascrito e rileto.
[p. 13 modifica]

L'onorato mestier del barcariol
    Xè stà sempre a Venezia respetà,
    Soto la sferza de qualunque sol,
    4Dai citadini e da la nobiltà.
Un servitor da barca có se tiol,
    Oltre voler che el gabia abilità
    De vogar, che lù el gabia anca se vol
    8De segretario inzegno e fedeltà.
Infati cossa xè la barca in pien
    Altro che un camerin sentimental,
    11Dove a star col só comodo se vien?
Chi voga sente tuto; e natural
    Xè che, senza poder far molto ben,
    14Un barcariol pol far assae del mal.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=L%27onorato_mestier_del_barcariol&oldid=47866"