Létara da studente

by Giovanni Ceriotto

3 Létara da studente Poesie veronesi A 'na putina Un bocolo de rosa Giovanni Ceriotto 1911 XX Soneti veronese

Indice:Poesie veronesi (Giovanni Ceriotto).djvu

Giovanni Ceriotto ―  Poesie veronesi

Létara da studente

1911

Edission original:	Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911
Fonte:	Indice:Poesie veronesi (Giovanni Ceriotto).djvu

←  A 'na putina

Edission e fonte ▼

Un bocolo de rosa  →

Létara da studente

     Nineta, te lo digo; Quando leso¹
le to righe, me capita el sudor;
ma proprio in confidensa, sudo pèso,²
lésar righe de storia che de amor!

     Ma quando no voi darghe tanto péso,³
me so vèrze par ti in du tochi el cor!
No i podaria no i libri farli a meso,
o l'anima de qualche professor?...

     Se me sbisega el cor per un fogheto,
me boie el sangue e un fogolar faria
de tuti i libri de la me scansia.

     Quando in distansa vedo el to museto,
me bate 'l cor e g'ò la tosta via,
come quando i esami i fa baeto!⁴

---

Note

1. leso: leggo
2. pèso: peggio
3. péso: importanza, ascolto
4. i fa baeto: sono prossimi