EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
La indiscrezione
fine '500 - primi del '600

 Edission original:   

Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817

 Fonte:

Indice:Poeti antichi del dialetto veneziano 2.djvu

Edission e fonte ▼
Altra edizion: Chi à visto per la strada qualche can (edizion Casti 1834)
[p. 99 modifica]
LA INDISCREZIONE


Chi à visto per la strada qualche can
     Ch'à un osso in boca e un altro in tera apresso,
     Rosegar questo, e quel guardar sì spesso
     4Che ghe par che 'l ghe scampa da le man:

Tegna mente, de grazia, a un mio paesan,
     (Che no vòi farghe el nome per adesso)
     Ch'à Mugier e Morosa, e a un tempo stesso
     8Gode una e a l'altra no sta un deo lontan.

El fa nè più nè manco come quelo,
     Che se 'l vede nissun farseghe arente
     11Ragrinza i denti e rogna e rizza el pelo.

Ma un dì vegnirà un tanto valente
     Che se gh'acosterà sì che 'l martelo,
     14E 'l redurà de l'una e l'altra in gnente;
                Ch'un can tropo insolente
     Perde po' l'osso che l'aveva in boca
     17Per far che l'altro un altro can nol toca;
                E al fin resterà un'oca
     Tanto del primo, quanto del segondo:
     20Cussì la và se se vol tuto el mondo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_indiscrezione&oldid=67303"