La serva

by Attilio Turco

3 La serva Sonetti Veronesi Sonetti Veronesi/Parte III - Verona El borsarol Dal barbier Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte III - Verona

La serva

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  El borsarol

Edission e fonte ▼

Dal barbier  →

LA SERVA

La serva ecola qua: sestèla al brasso,
     Testa par aria e ociade da siveta,
     Grombialin recamà, còtola¹ streta,
     Veleta o sial² de lusso o da strapasso.

Se qualche militar ghe buta³ el sasso,
     In prima la ghe fa la smorfioseta,
     Po’ la ghe mola un ponto⁴ e s-ciao nineta..
     La sera drio la ghe va insieme a spasso.

In casa, par onesta che la sia,
     In do’ la tòca, la ghe lassa el segno...
     Se la parona⁵ no’ la ’nciava via

El vin, i fruti, 'l sucaro, ’l cafè,
     La bee, la magna zò, sensa retegno⁶
     E la ghe porta via fin che ghe n’è!

---

Note

1. còtola ― sottana;
2. sial ― scialle;
3. ghe buta el sasso - arrischia una domanda;
4. la ghe mola un ponto ― concede;
5. parona ― padrona;
6. retegno ― freno.