Lassè pur...
|
Edission original: |
Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920 |
|
Fonte: |
| Edission e fonte ▼ |
Al putel apena nato
A dir mama se ghe insegna,
No 'l sa gnente, ma el se inzegna
Mama, mama a borbotar.
Se no basta papà e mama,
El ghe agiungi vin e pan,
E co 'l pianzi opur co 'l ciama,
Sempre 'l parla in italian.
Lassè pur che i canti e i subii1
E che i fazzi pur dispeti:
Nela patria de Rosseti2
No se parla che italian!
Po sui banchi dela scola
Scienze e letere l'impara,
Nela lingua la più cara
Che se possi imaginar.
E una volta grando e forte
La bandiera el spiegarà
Per salvar fin ala morte
Sta preziosa eredità.
Lassè pur che i canti e i subii
E che i fazzi pur dispeti:
Nela patria de Rosseti
No se parla che italian.
La poesia Lassè pur... premiata in un concorso indetto dal Circolo Artistico nel 1893, e musicata dal maestro Silvio Negri, divenne popolarissima, e a Trieste come nell'Istria, a Fiume, in Dalmazia, durante l'epoca della dominazione austriaca, fu cantata per le vie ad ogni dimostrazione politica e lanciata come una sfida sotto il naso dei poliziotti
- Note
- ↑ subii, da subiar, fischiare, zufolare
- ↑ Domenico Rossetti, illustre giureconsulto e storiografo triestino, apostolo e vessillifero del nazionalismo italiano a Trieste. A ragione il Caprin lo definisce «il precursore». Nacque nel 1774; morì il 29 di novembre del 1842. Nel 1810 fondò la società di Minerva, che è l'ateneo triestino e che vive tuttora, coltivando il nostro movimento letterario.