Le Quattro Stagioni Campestri e Cittadine/L'Autuno Citadin

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 81 modifica]
L'AUTUNO CITADIN


          Spogia è la pergola,
               L'ua vendemiada,
               Finìo xe 'l bagolo,
               E la secada
               5De quele femene;
               De quei puteli,
               Che va sporcandove
               Co dei graneli.
               No più le strade
               10Xe semenade
               Da miserabili
               De contadini;
               No più ve stomega
               L'odor dei vini.
               15Ogni borgada
               Xe frequentada
               Da zente nobile

[p. 82 modifica]

               Ben educada.
               Fra mezzo i alberi
               20Xe trasportà
               La vita e 'l spirito
               De la Cità.
          Andemo a goderse,
               Bela Nineta,
               25Vedistu, cocola,
               La gondoleta?
               La xe una scatola!
               Se trovaremo,
               Proprio in t'un atimo,
               30Dove voremo.
          Co fazzo un moto
               Xe tacà soto:
               Do cavai scapoli
               Sbate la zampa;
               35Ti monti subito,
               La tera scampa,
               E più d'un mio
               Za xe finio;
               Le sedie, i mantesi
               40Lassemo in drio,
               E senza acorzerse
               De caminar;
               No par de moverse,
               Ma da svolar.
          45Nineta amabile,

[p. 83 modifica]

               Per no stufarse;
               A Padoa a l'Opera
               Se pol fermarse,
               E qualche circolo
               50Trovar de zente;
               Veder chi è scapolo,
               Chi ga el servente,
               Chi xe ben messa;
               Zogar in pressa
               55Co quei che capita
               Una partìa;
               Magnar le lodole
               In compagnia
               De done amanti;
               60De chi xe in fregole
               Senza contanti
               Sentir l'istoria;
               Dopo partir,
               E in Vila subito
               65Se va a dormir.
          Oh! che delizia
               Xe la Campagna!
               Cussì godendola
               Se se sparagna
               70De veder zente
               Mezza pezzente,
               Rusteghi, stolidi,
               E sempre sporchi,

[p. 84 modifica]

               Nè le so femene
               75Che par tanti orchi!
               Goda i patetici
               Sta bela vista:
               Goda d'un Eremo
               El tristo oror
               80Chi no ga un'anema,
               Chi no ga un cuor.
          Te lo assicuro, Nina,
               Che za te parerà
               D'esser sempre in Cità;
               85Che chi te adora,
               Apena desmissià
               Verso del mezzodì,
               O, se te piase a ti,
               Più tardi ancora,
          90Ordinerà i cavai,
               E in quel mio bel Batar
               Andaremo a trotar
               Che svolaremo.
          Se incontrerà per strada
               95Diese altri legni e più,
               E qualchedun con nu
               Convogeremo;
          E zonti a la Batagia,
               Dove el gran mondo gh'è;
               100Trovaremo el Cafè
               Zepo de zente.

[p. 85 modifica]

          Là molti dei to amici
               Te se presenterà,
               E za i te vegnerà
               105Tuti darente.
Là no passa un minuto secondo,
     Che no arivi da novo del mondo:
     Là se trova la zente de spirito,
     Là svolazza per tuto l'Amor.
     110Tra le bave un amante geloso,
     Se descola un galante smorfioso,
     E se chiassa, se ride, se critica,
     E chi è toco se vede in furor.
          A Stopa, a Bazzega,
               115A Panfileto,
               A quel petegolo
               De bel zogheto,
               Che tanto stuzzega,
               Che impegna el cuor,
               120Se rischia i taleri
               De bon umor.
          Ti po, stufandote,
               Ti sunerà
               Sete, oto, dodese;
               125Chi ti vorà,
               Che cavalcando,
               E galopando,
               O pur in Bagherle
               O in Sediolin,

[p. 86 modifica]

               130O drento a un anglico
               Bel Carozzin,
               Per seguitarte
               E cortegiarte
               Farà scapate,
               135Farà volate;
               Tuti fumanti
               Te anderà avanti,
               Tornerà indrio;
               Ti, saludandoli
               140Col più gran brio,
               Come una Venere
               Fra cento Amori,
               Ti sarà l'arbitra
               De tuti i cuori;
               145E senza acorzerte
               De aver trotà
               Ti sarà Venere
               Sul to sofà.
          Ordinaremo in tavola;
               150Pronto sarà el disnar,
               Ti ne farà sentar
               Dove te agrada.
               El Salpicon coi brocoli,
               Pernise col salmì,
               155(Quel che te piase a ti)
               La Caponada,
               L'Astese,

[p. 87 modifica]

               L'Ostreghe,
               E le Tartufole,
               160La bona Malaga,
               Quanto che fussimo
               Ne la Cità,
               Nineta amabile,
               Ti troverà.
          165Tuti insieme parlaremo,
               Chiassaremo,
               Ridaremo,
               Senza mai saver perchè
               Sin a l'ora del cafè.
          170Dopo quelo e 'l rosolin
               Ti te eclissi a pian pianin,
               E ti va nel to retrè,
               Dove gh'è
               Le vicende de le bele
               175In più stampe baroncele;
               E quel caro to sofà
               Dal piacer imbalsemà,
               Dove Venere e so Fio
               Che s'à tanto benedìo,
               180Che invisibile ne ascolta,
               S'à trovà più d'una volta.
          Là pensando,
               Pisolando,
               Consultando,
               185A la toleta

[p. 88 modifica]

               Co la brava to Liseta,
               Ti starà circa un'oreta:
          Nu fra le chiacole,
               E 'l Faraon,
               190Fra 'l torse bagolo
               D'un stolidon,
               Che a farne visita
               Xe capità,
               Sta oreta critica
               195Se passerà.
Nina bela za torna da basso,
     De carozze se sente el fracasso;
     Tuti lassa le carte e le chiacole,
     E se torna da novo a trotar,
200Za xe scuro, za el sol xe andà drento;
     Ma i ferali, ma i torzi da vento
     El cortivo e la strada v'ilumina,
     Che podè tuti i sassi contar.
I cavali tol su la cariera,
     205E le rode ve brusa la tera,
     In cità se se trova in t'un atimo,
     E le scurie se sente a schiocar.
     Al Cafè de Cavanela
               Smonterè, Nineta bela,
               210Ve saremo tuti arente,
               Sentiremo a dir la zente:
               Co' graziosa, co' elegante!
               Che bel scial, che bel turbante!

[p. 89 modifica]

               E i to modi, el to parlar,
               215Li farà tuti incantar.
          Se sbrufa l'altre done
               No ti ghe penserà,
               E ti trionferà
               Del so rabiezzo.
          220Diese da novo atorno
               Te se presenterà
               Che te regalerà
               D'un qualche vezzo.
          Ma se alzaremo,
               225Spassizzaremo,
               E cambiaremo
               Do, o tre Cafè,
               E a l'ora solita,
               Che va el bon ton,
               230Se anderà a l'Opera,
               Dopo al Veglion.
          Se Nina amabile,
               La bela Nina,
               Ve bala el Bolzere,
               235La Monferina,
               Le Grazie a sconderse
               Va in t'un canton,
Piemontesi, Polache, Alemane,
     Savogiardi, Fandanghi, Furlane;
     240Contradanze, e i baleti de l'Opera
     Balaremo, e faremo balar.

[p. 90 modifica]

          Tuta infogada,
               E scalmanada,
               Come l'Aurora
               245Co la vien fora
               Nunzia del dì,
               La bela Nina
               Sarà cussì.
          Po co' stracandote
               250Ti finirà,
               Un sito comodo
               Ti troverà,
               E circondada
               Da diese, dodese,
               255Co mi sentada,
               Ti torà, languida,
               La limonada;
               Qualche gelato
               De bon cedrato,
               260E ogni altra bibita
               Te sarà pronta
               Ch'ecita i muscoli,
               E li rimonta.
          Ti balerà da novo
               265Insin che nasse el di,
               E po in tel to scialì
               Sconta, imbautada,
               E dal piacer sfinìa,
               Ti monterà in batar,

[p. 91 modifica]

               270Senza poder parlar
               Tuta la strada.
          Dirò che ti xe cara
               Sin co te manca el fià;
               Ti me ringrazierà,
               275Ma con un moto.
               Te torò zo dal Legno,
               E ti anderà a dormir;
               Ti me farà sentir
               L'Adio, ma roto.
          280Oh che delizia
               Xe la Campagna!
               Cussì godendola
               Se se sparagna
               Qualunque incomodo,
               285Nè se presenta
               La solitudine
               Che ve spaventa.
               Cussì ad ognuno
               Piase l'Autuno,
               290No per le pergole
               D'ua tute piene,
               (Che goda i bamboli
               Ste bele scene)
               Ma perchè unito
               295Xe el più compito,
               El più sociabile
               Mondo pulito,

[p. 92 modifica]

               Le done amabili
               De la Cità,
               300El più bel spirito
               Xe radunà.
               Ma 'l dì de San Martin,
               Nineta, xe vicin.
               Za xe deciso,
               305Che in novo carozzin
               Sul Corso de Treviso
               Quel dì figureremo;
               E quatro bei cavai,
               Bagio-scuro, pomai,
               310Ghe tacaremo.
               Do cochi ben montai,
          Do stafieri, el zachè,
               E quei d'arsan plachè
               Bei fornimenti;
               315Fra tuti i pretendenti
               Che al Corso ghe sarà
               Se ne distinguerà
               Come intendenti.
               Za la matina,
               320Mia cara Nina,
               Saremo stai,
               Col Batar solito,
               E do cavai
               O sin al Rovere,
               325O a sant'Artien,

[p. 93 modifica]

               Dove che vien
               El megio e 'l bon,
               La zente nobile,
               E 'l più gran ton.
330Semo in Borgo, e su tuti i balconi
     Ghe xe strati, damaschi e festoni,
     E dei miera de done e de omeni
     Che no pol in carozza trotar.
Soto i porteghi po a la refusa
     335Gh'è la zente più bassa confusa,
     Che se spenze, che s'urta e formigola
     Per poder le carozze vardar.
Tute quante le rozze da nolo,
     Le veture da romperse el colo,
     340Xe missiae con i treni più nobili,
     Che più beli li fa deventar.
Ma 'l fracasso la strada za stropa;
     Cento legni se incontra, s'ingropa;
     Se bestemia dai cochi, e se strepita,
     345Che la pausa no i pol tolerar.
   Fissaremo in sto momento
               Tuti i legni, e chi gh'è drento,
               Osservando,
               Criticando,
               350Riduzzando
               A più poder:
               Nova spezie de piacer!
          Ma roto el gropo,

[p. 94 modifica]

               Tolto l'intopo,
               355Vien fora i Usseri,
               Che de cariera
               Brusa la tera,
               Co la so sciabola
               Facendo segni,
               360Metendo in linea
               Cavai e Legni;
               Se sente el mascolo,
               Se mola i Barbari,
               Che come un fulmine
               365Vedè a passar,
               E tute el popolo
               Sentì a cigar.
          No serve de saver
               Chi è stà che à guadagnà;
               370La zente bassa el sa,
               Che in bota è sta cigà
               La lista e i premi.
          Nu, do tre ziri al più,
               Ora zozo, ora su,
               375Cara, faremo,
               E po desmontaremo
               Dal Gobo, o da Bastian.1
               Te vegnerà a dar man

[p. 95 modifica]

               Chi te conosserà,
               380Che za ghe ne sarà
               Set'oto almanco.
               Sarò anca mi al to fianco,
               Urtarò, spenzerò
               Fra quela zente;
               385Farò anca l'insolente,
               E tanto spenzerò
               Sin che te troverò
               Carega o scagno.
               Un gelato,
               390O maraschin,
               O cedrato,
               O mascherin,
               Quel che in soma ti vorà,
               Nina mia, ti averà.
          395Ma 'l pranzo ne aspeta,
               Mia bela Nineta,
               Quaranta e anca più
               No aspeta che nu.
               Mi no credo che ghe sia
               400Tanto bela compagnia
               Quanto quela che gh'è là.
               Se magnerà,
               Se beverà,
               Se parlerà,
               405E faremo un cocodè
               Come in l'arca de Noè.

[p. 96 modifica]

          Terminà che sia el disnar,
               Senza gnanca saludar,
               Co quei pochi che te piase,
               410Andaremo in santa pase,
               E al Cafè, a la Cavalchina,
               Se starà sin la matina.
          Oh che delizia
               Xe la Campagna!
               415Cussì godendola
               Se se sparagna
               Qualunque incomodo,
               Nè se presenta
               La solitudine
               420Che ve spaventa!
               Ma za sparisse,
               Diminuisse
               El mondo nobile,
               La zente colta:
               425Tuti ripatria,
               Tuti xe in volta:
               Anca Nineta
               No sta più quieta,
               Che 'l malinconico
               430No la dileta;
               E donca subito
               Se passerà
               A le delizie
               De la Cità.



Note
  1. Noti Caffettieri in Treviso
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Le_Quattro_Stagioni_Campestri_e_Cittadine/L%27Autuno_Citadin&oldid=68823"