Pagina:Berto Barbarani, Giulieta e Romeo, 1905.pdf/76

Sta pagina la xe stà trascrita e rileta.

de sassi o giara, in volta se spampàna,
soto el pestar de la cavala sana,

de pelo bianco co i macioni neri...

Pur de far presto a sbusar via le sèse,
disturbando le cioche coi pulsini
e le putèle in mèso a le vanèse...

scavissando le rame,
spaventando le mame,
che ciapa in brasso tuti i so putini,

Romeo Montecio galopando va
de paese in paese,
verso le tore de la so cità!

— E l’era par sonar l’ave Maria
e tornava le pegore a la stala
carghe de lana e de malinconia!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Berto_Barbarani,_Giulieta_e_Romeo,_1905.pdf/76&oldid=72654"