Se vien, che un poco el tasa
sto vermo che ropèta,1
a brasa, a brasa, a brasa,2
in ponta de moieta3
me fabrico una casa;
e penso a l'altro mondo,
penso a quel altro sono,
un sono fondo fondo
come quel de me nono
che dorme a l'altro mondo!
Se un stisso verde el rùsa,4
dimando cosa el g'à...
E lu risponde: el scusa
se mai l'ò disturbà,
e mi lasso che el rusa...
Ma, se l'è legna suta
che taca in tun momento:
«Buta su legna... buta,
che el fogo ghe dà drento
e 'l se la magna tuta...
