Sta pagina la xe stà trascrita, ma la gà ancora da vegner rileta.
Buta su legna, buta,
che el fumo el salta su
e l'anima se aiuta
a scapar via con lu
for da sta vita bruta!»
Così, guardando el fumo
che va su par la cana,
la gioventù consumo
a spana, a spana, a spana
e nel çervel me rumo,1
parchè, çercando el fondo
de quel che non se sa,
se studia assè a sto mondo,
se casca in quel de là
sensa andarghene in fondo.
E nualtri putei,
se va a pensar ste cose
parchè se spende schei
e gh'è de le morose,
che ne scalda i çervei...
- ↑ me rumo: mi stillo... il cervello.