LA BOGONELA.
La bogonela1 l'è una roba giala,
tuta piena de pocio2 molesin,
che vista da lontan, la par 'na bala,
che cora in pressia:3 ma la va a pianin...
La ghe mete du giorni a far 'na scala
e la fà quatro tape par scalin...
– Ohe! Siora bogonela, dove vala?
– Vado par acqua... S'à impissà4 el camin...
La me morosa, invesse, oh Dio, la core
che l'è la ferovia de casa nostra;
se ghe disì de star sentà, la more...
Ma se g'ò da contar la verità,
la bogonela, i corni la li mostra,
e me morosa invesse la li fà!
