Pagina:Berto Barbarani, I due canzonieri, 1917.pdf/197

Sta pagina la xe stà trascrita, ma la gà ancora da vegner rileta.
II.


Quante case, Gesù! Madona, quanti
     alti palassi e campanili e tore!
     Este carosse e sti tranvai, che core
     sensa bestie che tira par davanti!

Che bele ciese, che cafè galanti,
     che vetrine, che abiti, che siore!
     Ma in sta çità me digo no se more,
     ma zò in çità se danarìa anca i santi...

― Psss! – Psss...!
                         – Cossa g'alo?
                                             – Ocioni bei,
     la se ferma un momento, la se ferma,
     che mi par ela, perdarìa i çervei...

Adio casa, adio sono, adio laorar...
     La se insognava tuta una caserma
     che fasea le manovre sul solar...1

  1. solar: granaio.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Berto_Barbarani,_I_due_canzonieri,_1917.pdf/197&oldid=70710"