Sta pagina la xe stà trascrita, ma la gà ancora da vegner rileta.
III.
Una parola ancò,1 'na cartolina
ilustrata coi fiori e i amorini,
doman 'na carta de confeti fini,
più che se pol, ciamarla: signorina!
Aspetarla da messa e da dotrina,
compagnarla a la musica, a i giardini,
farghe sperar tra un fogo de slusini,2
un bel abito bianco de sposina...
Poco ghe vol par rovinar 'na pora3
serva: la camareta su le scale,
soli, de note, a quela data ora...
Sluse du oci cativi, quei del falco,
la çiveta la bate un fià le ale,
ride el diavolo al scuro e casca el palco!