Sta pagina la xe stà trascrita, ma la gà ancora da vegner rileta.
II.
Par cosa mò èla bianca
la luna? – Tira drito!
Parchè doman l'è festa,
la s'à lavà pulito;
batèmoghe le mane,
la portarà fortuna,
bisogna saludarla:
― Parona, siora luna!
Ma la luna no parla...
E una vosseta alegra, come una campanela,
cantava: Oh Dio, la luna, guardè come l'è bela!
E in cima al pigno el solito penacio in brasso al vento,
fasea le rivarense, da l'uno fin al çento!